అందం... ప్రపంచంలోనే అంత్యంత సంక్లిష్టమైన పదమనుకుంటా..!
అందమైన అమ్మాయిని దగ్గరగా చూడగానే మనసు ముందు ఆందోళన పడి ఆ తర్వాత ఆనందపడుతుంది... ఆ అందాన్ని కలవమని ఆరాటపడుతుంది. తర్వాత ఆ అమ్మాయితో ఆప్యాయంగా మాట్లాడాలని ఆశ పడుతుంది. ఆ అమ్మాయితో అందమైన జీవితాన్ని పంచుకుంటే బాగుంటుందని ఆశ అభిలాషగా మారుతుంది. ఇదంత దగ్గరగా బానే ఉంది. సినిమాల్లో ఒక కథలా నిజంగా ప్రాక్టికల్ జీవితంలో కలిసిన తర్వాత.., లైఫ్ ఆ అమ్మాయి ఉన్నంత అందంగా ఉంటుందా..?! ఉంటుందా అంటే ఏమో మరి ఉండచ్చు...! ఉండకపోవచ్చు కూడా.. !! మగువని చూడగానే మనసులో మల్లె తీగల్లె పదాల అల్లికలు ఎందుకు బయటకి వస్తాయో తెలియదు కాని అతివలు మాత్రం ఈ అవని అందానికి మరింత అందం అద్దటానికి వచ్చిన అద్భుతమైన వన్నె తరగని కుసుమాలేమో....! అటువంటి అందాన్ని కలిసే క్షణాలే వస్తే కదిలే కాలానికి కళ్ళెం వేస్తా...! :)
హరికాంత్ రెడ్డి
No comments:
Post a Comment