మహిళా చైతన్యం లేని చోట మహిళా దినోత్సవం జరుపుకోవటం కడు విచిత్రంగా అనిపిస్తుంది!
ఈ రోజు ఇప్పటికి గ్రామీణ మహిళల పరిస్థితి ఎంతో దయనీయంగా ఉంది....! గగనంతరాల వరకి ఎదగిన మహిళను మల్లి గరిట పట్టుకోమంటుంది ఈ భారత సమాజం.... మహిళ అంటే కేవలం పిల్లల్ని కనే సాధనమా... మహిళ అంటే కేవలం శృంగార వాంఛ కోసం వాడే వస్తువా... ఏమో మన భారత సమాజంలో జరిగే సంఘటనలని చూస్తే మహిళల్ని అలానే చూస్తున్నారేమో అనిపిస్తుంది.
ఊ అంటే మహిళా సాధికారికత గురించి మాట్లాడే ఈ ప్రభుత్వాలకు అది ఎక్కడ కనపడుతుందో అర్ధం కావట్లేదు... ఎక్కడుంది మహిళా సాధికారికత... ఎక్కడుంది మహిళా చైతన్యం...?!
బహుశా పట్టణాల్లో ఉండే మహిళల అభివృద్దే ఈ ప్రభుత్వాలు చూస్తున్నాయేమో!! గ్రామీణ ప్రాంతాల మహిళల్లో సాధికారికత దిశగా ఈ ప్రభుత్వాలు అడుగులు వేయాలని ఆశిద్దాం.....!!
మహిళ......
తనో ఆవేదన
తనో అనుభంధం
తనో ఆలోచన
తనో ఆక్రందన
తనో ఆవేశం
తనో అహంభావం
తనో అభినేత్రి
తనో భాద్యత
తనో బలం
తనో అదృష్టం
తనో అద్దం లాంటి మనసు
తనో అందానికి అర్ధం
తనో ఆశ్యర్యం
తనో అనంతం
ఒక మార్గరేట్ థాచర్, ఒక ఆంగ్ సాన్ సూకీ, ఒక మదర్ థెరిస్సా స్పూర్తిగా.... ఎన్ని విపత్కర పరిస్థితులు ఎదురైనా వాటికి ఎదురొడ్డి నిలిచే గ్రామీణ భారతీయ నారీమణికి పాదాభివందనాలు తెలుపుతూ మహిళాదినోత్సవ శుభాకాంక్షలు!!
హరికాంత్ రెడ్డి